اسلام آباد۔22جنوری(اے پی پی):نگران وفاقی وزیر اطلاعات، نشریات و پارلیمانی امور مرتضیٰ سولنگی آکھیے جو پاک ایران ڄھیڑا مکاوݨ کیتے ساݙی خارجہ پالیسی اہم کردار ادا کیتے، ترکی نال تعلقات ہمیشہ چنڳے راہندن، ترکیہ پاکستان نال تعلقات اچ تعمیری کردار ݙکھائے۔ اے ڳالھ انہاں ترک نشریاتی ادارے ”ٹی آر ٹی“ کوں انٹرویو اچ آکھی۔ انہاں آکھیا جو 16 جنوری دے بع?? پاک ایران تعلقات دی صورتحال چنڳی تھئی اے، ݙوہاں ملکاں وچال کشیدگی پاروں خطے اچ چنتا ودھدا پیا ہا ڄیڑھا ہݨ مک ویسی، ایں سانڳے ایران نال تعلقات معمول تے ڳھن آوݨ کیتے ترکیہ، عوامی جمہوریہ چین سودھا ٻئے بھرا ملکاں تعمیری کردار نبھائے جیندی اساں قدر کریندے ہیں، پاکستانی قیادت ٻہوں حد تئیں ??تے مسلہ حل کر ڳھدے۔ انہاں آکھیا جو آئین دے تحت ملک اچ آزادانہ، منصفانہ، غیر جانبدارانہ و شفاف انتخابات کراوݨ الیکشن کمیشن دی ذمہ داری اے ??تے الیکشن کمیشن اپݨی ذمہ داری نٻھیندا پئے، نگران حکومت وی اپݨی ذمہ داری پوری کریسی۔ نگران وفاقی وزیر آکھیا جو کڄھ سیاسی جماعتاں ولوں شکایات ساݙی سیاسی ریت ہپن، ملک اچ اظہار رائے ??تے سیاسی سرگرمیاں اچ مکمل آزادی اے، انتخابی دروک اچ کوئی نگران حکومت دا رکن ہے نا رشتہ دار شامل اے، اساں ساریاں سیاسی جماعتاں کوں ہکو سویں مواقع ݙیندے پئے ہیں۔ الیکشن کمیشن تیزی نال انتخابی تیاریاں مکمل کرݨ اچ لڳا ہوئے جیندی حکومت مکمل سپورٹ کریندی پئی اے، 8 فروری کوں بالکل آزادانہ، منصفانہ، شفاف و غیر جانبدارانہ انتخابات تھیس??۔ا??یکیشن کمیشن ولوں سرکاری نتیجیاں تؤں بعد موجودہ قومی اسمبلی دے سپیکر تیکھے قومی اسمبلی اجلاس سݙیسن ??تے نویں ارکان حلف چیسن، سپیکر و ڈپٹی سپیکر ??تے قائد ایوان چݨیے ویسن ??تے ول صدر مملکت وزیراعظم توں حلف ڳھنسن ایندے نال ہی نگران حکومت تحلیل تھی ویسی ج?? نویں وزیراعظم اپݨی کابینہ دا اعلان کریسن۔
