اسلام آباد۔3اکتوبر (اے پی پی) پاکستان بھارتی وزیر خارجہ دے غیر ذمہ دارانہ بیان کوں مسترد کر ݙتا اتے بے جا ریمارکس کوں وی مسترد کر ݙتے جئیں اچ بھارت بین الاقوامی دہشت گردی اچ پاکستان دے ملوث ہووݨ دا الزام لاتے۔ دفتر خارجہ دے ترجمان سنوار کوں جاری بیان اچ آکھیا جو اے بے بنیاد ریمارکس عالمی برادری کوں گمراہ کرݨ کیتے دہشت گردی بارے حقائق گھڑݨ دے بھارتی لیڈراں دے جنو?? دا ہک ٻیا مظہر ہن جئیں دا مقصد انسانی حقوق دی مسلسل خلاف ورزیاں اتے بھارت دی ریاستی دہشت گردی دے سرپرست دے طور آپݨی سنڄاݨ کوں لُکاوݨ دی کوشش اچ پڑوسیاں تے انگلی چاوݨ اے۔ ترجمان آکھیا جو بھارت دے غیر قانونی زیر تسلط جموں تے کشمیر توں ودھ ریاستی دہشت گردی کتھائیں وی کائنی جتھاں نو لکھ توں ودھ قابض بھارتی فوج بے گناہ کشمیریاں کوں دہشت گردی، تشدد اتے وحشیانہ تشدد کریندے پئن۔ انہاں آکھیا جو دنیا بھارت اچ مسلماناں دے خلاف بی جے پی۔آر ایس ایس دے انتہا پسنداں ولوں منظم اتے کھنڈائی ڳئی دہشت گردی وی جاݨدی اے۔ ترجمان آکھیا جو انسداد دہشت گردی دی کامیاب کاروائیاں توں ڳھن تے دہشت گردی دے خلاف عالمی جنگ ا?? اساݙے کردار تئیں عالمی امن اچ پاکستان دی سانجھے داری دا عالمی برادری وݙے پیمانے تے اعتراف کیتے۔ پاکستان کلھا ملک اے جئیں دہشت گردی دی لہر کوں دشمن عناصر اتے ریاستاں ولوں روکیے۔ دفتر خارجہ دے ترجمان ٻیا آکھیا جو بھارت حقیقت اچ آپݨی سرزمین اتے خطے دے ٻ??ے ملکاں توں پاکستان دے خلاف دہشت گردی دی حمایت اچ ملوث رہیے۔ بھارت دی دہشت گردی دا شکار تھیوݨ دی مذموم مہم اتے پاکستان تے منافقانہ طور الزام لاوݨ دا مقصد عالمی برادری کوں دھوکہ ݙیوݨ دی کوشش کریندا پئے۔
