وزیرِ اعظم شہباز شریف دی پاکستان دے ݙوجھے مواصلاتی سیٹلائٹ بھیجے ونڄݨ دی قوم کوں مبارخ

اسلام آباد۔30مئی(اے پی پی):وزیرِ اعظم محمد شہباز شریف پاکستان دے ݙوجھے مواصلاتی سیٹلائٹ دے زمین دے مدار اچ بھیجے ونڄݨ تے پوری قوم کوں مبارخ ݙیندے ہوئیں آکھیے اساکوں آپݨے سائنسداناں دی ایں شاندار کامیابی تے فخر اے، پاکستانی سیٹلائٹ دا چین دے خلائی مرکزتوں بھجواوݨ پاکستان اتے چین دی مضبوط شراکت داری دا مظہر اے۔ وزیراعظم آفس دے میڈیا ونگ توں جاری بیان موجب وزیراعظم آکھیے جو پاکستان دے ݙوجھے مواصلاتی سیٹلائٹ پاک سیٹ ایم ایم ون دے زمین دے مداراچ بھیجے ونڄݨ تے میں سودھے پوری قوم کوں آپݨے سائنسداناں دی ایں شاندار کامیابی تے ماݨ اے ۔ وزیراعظم آکھیے پاکستانی سیٹلائٹ پاک سیٹ ایم ایم ون دے زمین دے گردمداراچ بھیجے ونڄݨ نال پوری پاکستانی قوم ھک عظیم سنگ میل پار کیتے ۔ انہاں آکھیے پاکستانی سیٹلائٹ دا چین دے شی چانگ سیٹلائٹ لانچ سنٹر توں خلااچ بھیڄا ونڄݨ پاکستان اتےچین دی مضبوط شراکت داری دا مظہر اے، ایجھے اقدامات نال پاکستان اتے پاکستانی عوام جدت اتے ٹیکنالوجی دے ثمرات توں فیدہ کر سڳسن ۔ وزیراعظم آکھیے سیٹلائٹ نہ صرف پاکستان دے مواصلاتی نظام اچ ھک نویں روح پھوکیسی بلکہ ایں توں پورے ملک اچ تکھا انٹرنیٹ دی سہولت ݙتی ونڄ سڳسی ، سیٹلائٹ مواصلاتی نظام اچ بہتری نال ای کامرس، اقتصادی سرگرمیاں تے ای گورننس اچ بہتری اچ کلیدی کردار ادا کریسی پاکستانی سیٹلائٹ دا زمین دے مدار اچ 36 ہزار کلومیٹر دے فاصلے تے بھیجا ونڄݨ سپارکو اتے متعلقہ اداریں دی وݙی کامیابی اے جیں تے پوری قوم انہاں کوں داد تے تحسین ݙیندی اے۔ انہاں آکھیے سیٹلائٹ پاک سیٹ ایم ایم ون دا زمین دے مدار اچ کامیابی نال پڄݨ پاکستان دے تابناک مستقبل دی نوید اے، اللہ رب العزت توں دعا اے جو سیٹلائٹ پاک سیٹ ایم ایم ون ملک اچ مواصلاتی نظام دی بہتری اتے خلائی شعبے اچ وݙی کامیابیاں دا پیش خیمہ ثابت تھیوے۔

مضمون کا ماخذ : میگا ملینز کے نتائج

متعلقہ مضامین