اسلام آباد۔26 ستمبر(اے پی پی)وفاقی وزیر صحت عبدالقادر پٹیل ڈینگی وائرس دے ودھدے کیسز پاروں سارے ہسپتالاں کوں خصوصی ہدایات ݙیندے آکھیے جو ڈینگی مریضاں دے علاج معالجہ اچ کوئی غفلت برداشت نہ کیتی ویسی۔ انہاں آکھیا جو مریضاں کوں ہسپتال اچ مفت طبی سہولتاں ݙیندے پئے ہیں، ہسپتالاں دا عملہ ڈینگی مریضاں دے علاج کیتے ودھا قدامات کرے۔ انہاں آکھیا جو ڈینگی وائرس نال نٻݨݨ کیتے ودھ وسائل لیندے پئے ہیں، ڈینگی وائرس دی تشخیص ترجیح اے ایں سانڳے ڈینگی وائرس دا سرویلنس نظام ٻیا بہتر کیتا ویسی۔ انہاں آکھیا جو ڈینگی وائرس نال نمٹݨ کیتے آگاہی مہم تیکھی کیتی ونڄے، ڈسٹرکٹ ہیلتھ آفیسر ڈینگی وائرس توں بچݨ کیتے مربوط حکمت عملی اپناون۔