اسلام آباد هيلٿ ريگيوليٽري اٿارٽي تحت ڪم ڪندڙ سمورن ادارن کي گهٽ ۾ گهٽ 37 هزار رپيا ماهوار اجرت لاڳو ڪرڻ جي هدايت ڪري ڇڏي آهي: عطاءُ الله تارڙ

اسلام آباد – 13 – سيپٽمبر (اي پي پي) اطلاعات، نشريات، قومي ورثي ۽ ثقافت واري وفاقي وزير عطاءُ الله تارڙ چيو آهي ته اسلام آباد هيلٿ ريگيوليٽري اٿارٽي تحت ڪم ڪندڙ سمورن ادارن کي گهٽ ۾ گهٽ 37 هزار رپيا ماهوار اجرت لاڳو ڪرڻ جي هدايت ڪري ڇڏي آهي، نرسن کي 30 هزار کان 50 هزار رپين جو پئڪيج ڏنو پيو وڃي جيڪو ان کان وڌيڪ هجڻ گهرجي جڏهن ته پيراميڊيڪل اسٽاف کي 29 هزار کان 30 هزار رپين تائين پگهار ڏني پئي وڃي، نجي اسپتالن جي انتظاميا تجربي ۽ اهليت جي بنياد تي پنهنجي ملازمن کي پگهارون ڏي ٿي، هيلٿ ريگيوليٽري اٿارٽي جي حڪمن موجب انهن کي به گهٽ ۾ گهٽ اجرت جي ادائيگي تي عملدرآمد جو پابند بڻايو ويندو، وزيراعظم نيوٽيڪ کي هدايت ڪئي آهي ته مڊل ايسٽ سميت دنيا جي ٻين ملڪن ۾ پاڪستاني نرسن جي گهرج پوري ڪرڻ جي لاءِ نرسز جي تربيت تي ڀرپور ڌيان ڏنو وڃي، بريسٽ ڪينسر جي حوالي سان عام طور تي پوري ملڪ ۾ ۽ خاص طور تي ڳوٺاڻن علائقن ۾ هر ٻن مهينن کانپوءِ هڪ آگاهي مهم هلائي وڃي ٿي، اسان ميڊيا کي به چيو ته ان حوالي سان بنا معاوضي آگاهي مهم هلائي وڃي. قومي اسيمبلي جي اجلاس ۾ سوالن جوابن جي وقفي دوران قومي اسيمبلي ميمبر آسيه ناز تنولي جي سوال جي جواب ۾ اطلاعات واري وفاقي وزير عطاءُ الله تارڙ چيو ته وفاقي حڪومت اسلام آباد هيلٿ ريگيوليٽري اٿارٽي تحت ڪم ڪندڙ سمورن ادارن کي گهٽ ۾ گهٽ 37 هزار رپين جي اجرت لاڳو ڪرڻ جي هدايت ڪئي آهي. نرسن کي 30 هزار کان 50 هزار رپين جو پئڪيج ڏنو پيو وڃي جيڪو ان کان به وڌيڪ هجڻ گهرجي جڏهن ته پيراميڊيڪل اسٽاف کي 29 هزار کان 30 هزار رپين تائين پگهار ڏني پئي وڃي. حڪومت هدايت ڪئي آهي ته گهٽ ۾ گهٽ 37 هزار رپين جي اجرت کي جلد کان جلد لاڳو ڪيو وڃي. قومي اسيمبلي ميمبر نزهت صادق جي سوال جي جواب ۾ اطلاعات واري وفاقي وزير چيو ته پوري دنيا ۾ پاڪستاني نرسن جي تمام گهڻ طلب آهي، وزيراعظم نيوٽيڪ کي هدايت ڪئي آهي ته مڊل ايسٽ سميت دنيا جي ٻين ملڪن ۾ پاڪستاني نرسن جي طلب پوري ڪرڻ جي لاءِ انهن جي تربيت تي ڀرپور ڌيان ڏنو وڃي. منزه حسن جي سوال جي جواب ۾ اطلاعات واري وفاقي وزير چيو ته نجي اسپتالن جي انتظاميا تجربي ۽ اهليت جي بنياد تي پنهنجي ملازمن کي پگهارون ڏي ٿي، هيلٿ ريگيوليٽري اٿارٽي جي حڪمن موجب انهن کي به گهٽ ۾ گهٽ اجرت جي ادائيگي تي عملدرآمد جو پابند بڻايو ويندو. شرميلا فاروقي جي سوال جي جواب ۾ اطلاعات واري وفاقي وزير چيو ته اسان جي معاشري ۾ ذهني صحت جو مرض هڪ حقيقت آهي پر اسان جو معاشرو ان کي تسليم ڪرڻ جي لاءِ تيار نه ٿو ٿئي، پوسٽ پارٽم ڊپريشن جي حوالي سان اسان جي ڳوٺاڻي علائقن ۾ شعور اجاگر ڪرڻ جي ضرورت آهي، ملڪ ۾ ادارا موجود آهن. هن چيو ته اسلام آباد ۾ هڪ ادارو قائم آهي جنهن ۾ ريپ وڪٽمز جو علاج ڪيو وڃي ٿو. ڊاڪٽر شازيه ثوبيه جي سوال جي جواب ۾ اطلاعات واري وفاقي وزير چيو ته بريسٽ ڪينسر جي حوالي سان عام طور تي پوري ملڪ ۾ ۽ خاص طور تي ڳوٺاڻن علائقن ۾ هر ٻن مهينن کانپوءِ هڪ آگاهي مهم هلائي وڃي ٿي، اسان ميڊيا کي به چيو ته ان حوالي سان بنا معاوضي آگاهي مهم هلائي وڃي. شاهده اختر علي جي سوال جي جواب ۾ اطلاعات واري وفاقي وزير چيو ته 18 هين ترميم تحت صوبن سان پيئڻ جي صاف پاڻي جي حوالي سان سٺي ڪوآرڊينيشن آهي، حڪومت صنعتن کي خاص طور تي هدايت ڪئي آهي ته اهي زمين هيٺ پاڻي جي آلودگي ڦهلائڻ کي روڪڻ جا انتظام ڪن، هاڻي ڳوٺاڻي علائقن ۾ صنعتون هڻڻ جي ضرورت نه آهي، صنعتون رڳو صنعتي زونز ۾ ئي هنيون وينديون. وفاقي گادي واري شهر اسلام آباد ۾ مختلف جاين تي واٽر فلٽريشن پلانٽس قائم ڪيا ويا آهن. زهره ودود فاطمي جي سوال جي جواب ۾ اطلاعات واري وفاقي وزير چيو ته عالمي سطح تي 40 هزار عورتون بريسٽ ڪينسر جي ڪري موت جو شڪار ٿين ٿيون، ان مرض جي تدارڪ جي لاءِ شهري ۽ ڳوٺاڻي علائقن ۾ لاڳيتو آگاهي مهم هلائي وڃي ٿي. هن چيو ته سرويڪل ڪينسر سان عالمي سطح تي 13 هزار عورتون موت جي منهن ۾ هليون وڃن ٿيون، اهي ڊبليو ايڇ او جا انگ اکر آهن، ان مرض جي علاج جي به اسڪريننگ ڪئي وڃي ٿي. طاهره اورنگزيب جي سوال جي جواب ۾ اطلاعات واري وفاقي وزير عطاءُ الله تاڙ چيو ته اڳ ۾ سمورن ماڻهن کي صحت ڪارڊ جي سهولت حاصل هئي، اسلام آباد ۾ 6 لک کان وڌيڪ رجسٽرڊ ماڻهن مان 2 لک 78 هزار ماڻهن کي صحت ڪارڊ ڏنو ويو آهي پر هاڻي فيصلو ڪيو ويو آهي ته بينظير انڪم سپورٽ جي ايم ٽي اسڪور تي نظرثاني ڪئي وڃي ۽ 32.5 کان گهٽ پي ايم ٽي اسڪور رکندڙ خاندانن کي هيلٿ ڪارڊ ڏيڻ جو فيصلو ڪيو ويو آهي، سرڪاري ملازمن کي اڳ ۾ ئي صحت جون سهولتون دستياب هونديون آهن، اهي پنهنجي پنهنجي ادارن کان پنهنجي ميڊيڪل بلن جا پئسا به وصول ڪن ٿا، ان حوالي سان ايڪنڪ ۾ پڻ هڪ تجويز غور هيٺ آهي جنهن کانپوءِ ڪو حتمي فيصلو ڪيو ويندو.

مضمون کا ماخذ : لاٹری کے اعدادوشمار

متعلقہ مضامین