افغانستان اچ ودھدی شدت پسندی تے تشویش اے، پرتشدد واقعات ودھݨ نال امن مخالف قوتاں کوں تقویت ݙیوݨ دا باعث بݨ سڳدے ،وزیر خارجہ مخدوم شاہ محمود قریشی

اسلام آباد۔24جون (اے پی پی):وزیر خارجہ مخدوم شاہ محمود قریشی آکھیے جو افغانستان اچ ودھدی شدت پسندی تے تشویش اے، پرتشدد واقعات ودھݨ نال امن مخالف قوتاں کوں تقویت ݙیوݨ دا باعث بݨ سڳدے۔ اے ڳال انہاں ایرانی وزیر خارجہ دے نمائندہ خصوصی افغانستان محمد ابراہیم طاہریان فرد نال ڳال مہاڑ کریندے ہوئیں آکھی اے جنہاں خمیس کوں وفد دے رلے وزارتِ خارجہ اچ انہاں نال ملاقات کیتی اے ۔ملاقات اچ ݙو پاسے تعلقات،افغان امن عمل ،خطے اچ امن و امان دی صورتحال سودھے سانجھی دلچسپی دے امور تے ڳال مہاڑ کیتی ڳئی اے ۔وزیر خارجہ ایران اچ صدارتی انتخابات دے کامیاب انعقاد تے ایرانی قیادت اتے ایرانی عوام کوں مبارخ ݙتی تے پاکستانی قیادت دی طرفوں ایران دے نویں منتخب صدر سید ابراہیم رئیسی کیتے نیک خواہشات دا اظہار کیتے ۔وزیر خارجہ آکھیے جو گزریل کجھ سالاں اچ پاکستان اتے ایران وچال گھاٹے برادرانہ تعلقات مزید مستحکم تھئن ۔ݙو پاسے تعلقات دے استحکام اچ ایران دے وزیر خارجہ جواد ظریف دا کردار قابل تحسین اے۔پاکستان، خطے اچ امن دے قیام کیتے افغانستان دے امن کوں ناگزیر سمجھدے ۔ شاہ محمود قریشی آکھیے جو پاکستان شروع توں ایں موقف دا حامی رہیے جو افغان مسئلے دا کوئی فوجی حل نی ،لوڑھ ایں ڳال دی اے جو افغان قیادت اچ ، افغانیاں کیتے قابل قبول، جامع مذاکرات دےذریعے افغان مسئلے دا دیرتئیں سیاسی حل کڈھیا ونڄے۔انہاں آکھیے افغانستان اچ بدامنی پاروں پاکستان اتے ایران ݙوہیں متاثر تھئن ۔

مضمون کا ماخذ : como apostar na mega sena

متعلقہ مضامین