وزیر اعظم عمران خان ڈیل دے قائل ہین نہ ہی کہیں ڈھیل تے آ مادہ ہین، شاہ محمودقریشی

ملتان ۔31 مارچ (اے پی پی) وزیرخارجہ مخدوم شاہ محمود قریشی آکھیے جو وزیر اعظم عمران خان ڈیل دے قائل ہین نہ ہی کہیں ڈھیل تے آمادہ ہین، قومی سلامتی دے معاملے تے بلاول بھٹو اتے شہباز شریف سودھے سارے اپوزیشن جماعتاں دے سربراہ گالھ مہاڑ کیتے اگو تے ودھن،ایں ویلھے ہر کہیں کوں ریڈ لائن دا خیال رکھنڑا چاہیدے،بھارت سکوں کلہا کرنڑ چاہندے ،ویلھا اتے حالات آہدن جو ملک کیتے سارے کٹھے مل باہون اتے مسلیاں دا حل کڈھن،سندھ اسمبلی دی پارلیمانی جماعتاں وزیراعظم کوں صوبائی حکومت بارے اپنڑے تحفظات ڈسائن۔ اے گالھ انہاں ملتان اچ میڈیا نال الویندے آکھی۔انہاں آکھیے جو پاکستان تے اج اوکھا ویلھا اے بھارت پاکستان کوں عالمی سطح تے کلہا کرنڑ کیتے زور لائی پئے،ایں وایلھے ساکوں چاہیدے جو اسان ملکی مفاد دے تحفظ کیتےرل مل تے باہووں اتے مل بہہ تے مسلیاں دا حل کڈھوں،بلاول اتے شہباز نال سیاسی اخلتافات چلدے راہسن بھل انہاں کوں دعوت ڈینداں جو او قومی سلامتی دے معاملے تے اگو تے ودھن،میں انہاں توں چنگی توقع رکھینداں۔ انہاںا ٓکھیا جو سندھ دیاں پارلیمانی جماتاں دے رہنماواں وزیراعظم کوں سندھ حکومت دیاں زیادتیاں بارے ڈسائن جو پی پی حکومت سندھ اچ اپنڑے اراکین اسمبلی کوں حلقیاں اچ کم کیتے 20،20کروڑ روپے دے فنڈزڈتن بھل اپوزیشن کوں کوئی گھا نئیں گھتیا،ایویں ہی بے نظیر انکم سپورٹ پروگرام وی ٹھیک استعمال نئیں تھیندا پیا، بے نظیر انکم سپورٹ پروگرام دا نوایں پروگرام ”احساس“دے تحت نویں سروں سروے کیتا ویسی، حالی اساں بے نظیر انکم سپورٹ پروگرام دا ناں بدلنڑ دے حق اچ کائنی، اصل شے تاں کم اے جو او کیویں تھیندے۔

مضمون کا ماخذ : سانتا کی جنگلی سواری۔

متعلقہ مضامین