واپار واري وفاقي وزير ڄام ڪمال خان جي ايراني وزير محمد عطا بڪ سان ملاقات

اسلام آباد – 16 – آڪٽوبر (اي پي پي) واپار واري وفاقي وزير ڄام ڪمال خان ايراني وزير محمد عطا بڪ سان شنگهائي تعاون تنظيم (ايس سي او) سربراهي اجلاس جي موقعي تي ملاقات ڪئي. واپار واري وزارت پاران جاري بيان موجب ڄام ڪمال خان ۽ محمد عطا بڪ واپاري لاڳاپن کي مضبوط بڻائڻ تي خيالن جي ڏي وٺ ڪئي. ملاقات دوران وفاقي وزير ڄام ڪمال خان ۽ محمد عطا بڪ صنعتي تعاون ۽ ثقافتي مٽاسٽا تي پڻ زور ڏنو. وفاقي وزير پاڪستان ۽ ايران جي وچ ۾ واپار وڌائڻ ۽ سيڙپڪاري کي فروغ ڏيڻ سان گڏوگڏ ٻنهي ملڪن جي وچ ۾ واپاري رڪاوٽون ختم ڪرڻ ۽ ڪاروباري عمل کي آسان بڻائڻ جي ضرورت تي زور ڏنو. وفاقي وزير پاڪستان ۽ ايران جي جاگرافيائي اهميت کي خطي جي ترقي جي لاءِ گيٽ وي قرار ڏنو. ايراني وزير محمد عطا بڪ چيو ته پاڪستان ۽ ايران جي وچ ۾ واپار ۽ سيڙپڪاري ۾ وڌيڪ موقعا ڳوليا ويندا. ايراني وزير محمد عطا بڪ پاران ڄام ڪمال خان کي ايران جي اعليٰ سطحي دوري جي دعوت ڏني.

مضمون کا ماخذ : raspadinha caixa

متعلقہ مضامین